[Mendele] test01

[IVaisman at aol.com]

s'hot gegosn a shlaks regn, keyn droshke iz nit geven, tsayt hob ikh gehat
genug, bin ikh arayn in di [sic -- LP] azoy gerufene "konke." (2)

pasazhirn iz, on anehore, geven zeyer a sakh, in vagon iz geven heys, vi in
a bod. s'iz mir take tsu nuts gekomen, vayl ikh bin geven a bisl farkilt un
ikh hob badarft im lebn shvitsn.

a kegn iber mir iz gezesn an altitshker yid, vos hot zikh mit gornit
opgezundert fun toyznt andere altitshke yidn, an ayngeboygener rukn, an
umetik farshrumpn ponem mit a sakh kneytshn, farloshene kimat toyte oygn un
a grayz-groy berdl.

der altitshker iz gezesn farklert, hot fartrakhterheyt gekukt far zikh un
hot nisht aroysgeret keyn eyntsik vort.

ikh volt mikh oyf im efsher gornisht umgekukt, ober mayn oyfmerkzamkeyt hot
tsugetsoygn der tshaynik, vos er hot gehaltn inem shoys, arumnemendik im mit
beyde hent azoy ernst, vi a sandak halt dos kind tsum bris.

der tshaynik iz nisht geven keyn aynfakher, a meshiner ober a blekhener, nor
fun nikl, mit a hentl fun helen portselan, a sheyner aristokratisher
tshaynik, vos hot nisht harmonizirt mit di oreme oysgeribene malbushim fun
dem altn yid.

nebn dem altitshken iz gezesn a yunger man mit a shpitsik berdl, mit a por
shpitsike oygn un afile mit shpitsike kaloshn. azelkhe shpitsike mentshn
zenen beteve zeyer naygerik, un men hot take derkent, as der niklner
tshaynik mitn portselanem hentl lozt im nisht ruik aynzitsn.

endlekh hot der shpitsiker yungerman nisht gekont, vayzt-oys, lenger
oyshaltn un er hot dem altitshken a freg geton, vuhin fort er mitn tshaynik.
der altitshker hot zikh keyn rir nisht geton fun ort un nisht kukndik afile
oyfn yungn man hot er gelasn ongehoybn tsu dertseylen, az di tokhter zayne
mitn eynikl foren tsurik avek keyn amerike tsi ir man. in aylenish hot zi
fargesn dem tshaynik un er fort tsu der ban ir im optsugebn.

-- atsund, beshas der milkhome keyn amerike?  -- hot der yunger man gefregt
farvundert un iz gevorn nokh shpitsiker.

--s'hot genug gekost -- hot kaltblutik geentfert der alter un iz vayter
geblibn zitsn, vi farshteynert. nokh a kleyne vayle hot er tsugegebn, glaykh
er volt geret tsu zikh aleyn:  -- eltern voltn in aza tsayt zeyere kinder
nisht gelozt aleyn, ober kinder farlozn zeyere alte tate-mame un foren keyn
amerike.

er hot afile keyn zifts nisht gegebn.

-- vi fil kost der tshaynik?  -- iz der yunger man geven naygerik tsu visn.

-- ver veyst im dort -- hot der altitshker beyz geentfert.

-- tsi iz dos a rusisher tshaynik, oder an amerikanisher?